قصّة المشط الدائري، المنتوج مائة في المائة مغربي❤️💚 / المقاول المغربي عبد العزيز التازي

اييه نعم اسي ، اخترعها رجل أعمال مغربي ، من مواليد سنة 1926 بمدينة فاس ، و لي بدا العمل على 15 لعام ، و هو لي كان ليه الفضل فهاد الإختراع العجيب سنة 1954. الوقت لي كان المغرب تحت الإستعمار الفرنسي ، و هاد المنتوج واخا كيبان كيوت دهشر الفرنسيين من جميع الجوانب ، حيث من بعد ما ثم اعتقال واحد من رجال المقاومة من طرف السلطات الفرنسية ، خافوا من هاد المشيطة لتكون سلاح سري كيستعملوه المناضلين المغاربة لمواجهة المستعمر الفرنسي. و ثاني حاجة فالإبتكار ديال سي عبد العزيز التازي ، هي أنه سد واحد الخصاص كبير فالسوق ,حيث ديك الوقت كانت مشطة وحدة هي لي معروفة بالمشطة ديال الݣرن ، من غير أنها غاليا و فوق الجهد ديال المغاربة ، ما صالحاش للشعر ديال عموم المغاربة ، و هاد الإبتكار الزوين كان على جهد المواطن المغربي و فوق من هادشي صالح لشعرهم . و حاليا كتباع 12 مليون مشطة فالعام و كيتصدر لبزاف ديال البلدان فالعالم .

و سي عبد العزيز التازي، ما وقفش حد هنا ، زاد اخترع فراش من الأسفنج ، و اختار ليه اسم انجليزي ، و لي استحضر من عجلات الاسم ديالها “Good rich” , و سمى الأفرشة ديالوا #RICHBOND, و من بعد النجاح ديال هاد الماركة و لا عندوا هولندنغ لي كيجمع البلاستيك و الأفرشة و العقار.

و قد توفي السيد عبد العزيز التازي يوم 10 أكتوبر 2017 عن سن يناهز 91 سنة، مخلفا وراءه ثلاثة أبناء، كريم، ناصر و هداية. و يبقى كريم التازي أكثر أبناء عبد العزيز التازي شهرة، لأنه هو الذي قاد مجموعة والده وأيضا لعمله في المجتمع المدني.